Sadije Llapi jeton në një banesë të vjetër. Pas tërmetit shtëpia e saj është pothuajse e rrënuar. Por, fati i familjes së saj është edhe më tragjik. Familja e saj është e dënuar nga gjakmarrja. Tashmë, asaj përveç frikës së tërmetit i duhet të jetojë edhe me frikën e hasmit. “Ju lutem ta shikoni çështjen time, nuk na kanë ofruar asnjë ndihmë, flejmë jashtë”, janë disa nga fjalët rrënqethëse.
Familja Llapi ka të pamundur të largohet nga banesa, pasi vetëm 50 metra larg nga oborri i saj ndodhet banesa e hasmit. Një kod zakonor që mund të prodhojë tragjedinë e ardhshme për këtë familje.
Gruaja e familjes, mes lotëve ka rrëfyer për gazetarët e Abc News tmerrin e përjetuar nga tërmeti. “Jeta kështu është, do jetojmë në këto kushte, nuk kemi rrugëzgjidhje për ne nuk është interesuar njeri”, janë fjalët e saj. Ndërkohë ajo tregon se djali i saj është i pa punë, një student i infermierisë së përgjithshme, por që tashmë e ka lënë shkollën dhe përpiqet të punojë ku të mundet”, tha ajo.
Vetëm 300 mijë lekë të vjetra të ardhura në muaj, kjo familje lufton për ekzistencë. Mes skamjes, tërmetëve dhe hasmit, ajo i bën apel shtetit shqiptar për ndihmë. “Nuk mund të blej as ilaçe, as bukë, i lutem shtetit të vendosi dorë”, tha ajo.
Sadija vuan dhe nga shqetësimi shëndetësorë, asaj i duhet të ndajë 30 mijëlekshin për ushqime, veshmbathje dhe ilaçe. Llogaritë i bëni të gjithë vet. “Mjekimet shëndetësore i mar njëherë me para ose me ndihma nga njerëzit e mi, sepse më duhen 3 pompa frymarrje të azmës, me duhet korenti i vazhueshëm dhe nuk kam mundësi ekonomike të paguaj. Mes të tjerash ajo tregon se Kryetari i Bashkisë Thumanë nuk i është përgjigjur thirrjeve të saj për ndidhmë, nuk ma hap telefonin”, tha Sadija.
