Aktorja e mirënjohur Arjola Demiri, ka rrëfyer më herët se është e ndarë nga bashkëshorti, me të cilin kanë tre fëmijë. Ndonëse është ndarë nga bashkëshorti i saj prej disa vitesh, ajo ende nuk e ka gjetur “princin” e saj të kaltër.
E ftuar në emisionin “Why Not” në Rtv Ora, Arjola ka treguar disa skena mjaft komike me fëmijët e saj.
Një ndër to është dhe momenti në plazh, kur u ka bërë një ‘kërkesë’ vajzave të saj, që të mos e thërrisnin më mami, pasi do ngelej beqare.
“Ishim në plazh, unë me dy vajzat ndërsa Rubini ishte tek i ati. Gjatë kohës që ishim në plazh, këto thërrisnin “Ma, Ma” dhe gjithë njerëzit sa herë thërrisnin këto, më thoshin “Moj mami i këtyre je ti?”.
Edhe unë i përgjigjesha po mami i tyre jam. I thashë nga nesër dhe mbrapa, mos më thërrisni më mami se më latë beqare për gjithë jetën, ju lutem më thërrisni teze”, tregoi Arjola me humor.
