Kryeministri Edi Rama është është i bindur se në 25 prill ai do të fitojë vetëm më shumë se 71 mandate, duke formuar kështu qeverinë pa ndihmën e forcave të tjera politike.
I ftuar në emisionin “Me pak fjalë”, Rama u shpreh se pyetja për një aleat në krijimin e kabinetit ishte hipotetike pasi të gjitha forcat ishin kundër tij.
Ndër të tjera, ai e cilësoi opozitën një konglomerat të bërë bashkë me qëllimin për të hequr Ramën dhe jo për të bërë Shqipërinë, ndaj nuk ndjen konkurencë.
Pjesë nga biseda
Pyetje: Do negocioni me parti të vogla me kandidatë të ndryshëm për të bërë shumicën?
Edi Rama: Ne kemi një konglomerat përballë që kanë si parim “të heqim qafe Edi Ramën”, prandaj nuk shoh rrugë tjetër veçse për të formuar vetëm shumicën dhe të vazhdojmë rrugën përpara për të bërë shumë gjëra dhe ato pak gjëra që nuk janë bërë.
Pyetje: Nëse keni 67 deputetë çfarë do bëni?
Edi Rama: Kjo është një çështje që mbetet në teori, nuk më duket fare realiste. Konglomerati që kemi përballë është “hajde të heqim qafe Edi Ramën”.
Pyetje: Kjo është gara.
Edi Rama: Nuk ka forca të ndërmjetme, nuk janë disa forca janë një trup ata, nuk shoh alternativa.
