Ish-kryeministri Sali Berisha ka hedhur akuza të forta ndaj kryeministrit Rama, dhe Policisë së Shtetit referuar protestës, e cila përfundoi me një bilanc negativ. Sipas tij, Rama ka urdhëruar policët që t’i thyejnë gishtat e duarve si hakmarrje 18-vjeçarit Daniel Droba, i cili u arrestua si autori i hedhjes së kapsollës në protestë.
Në postimin e radhës në Facebook, në morinë e akuzave, ish-kryeministri shkruan se prej 24 orësh, një hakmarrje primitive ka shpërthyer nga Rama ndaj protestuesve. Sipas tij, policia me urdhër të prerë nga Rama, kanë torturuar në qeli 17-vjeçarin Paulo Ahmetcenaj. Atë e kanë goditur, në përpjekje për ti thyer gishtërinjtë e dy duarve.
18-vjeçari Daniel Drobaj ka denoncuar rastin e tij tek avokati, duke treguar gishtërinjtë e nxirë e të fryrë. Por mesa duket, policia nuk e ka lënë me kaq. Sipas Berishës, atë e kanë dhunuar me shkelma dhe e kanë kërcënuar me tytën e revoles në ballë, në prani të prindërve të tij.
https://tiranatoday.com/policia-kap-autorin-e-dyshuar-te-plagosjes-se-efektives-se-shqiponjave/
