Me gomone drejt Anglisë, policia shpëton 9 emigrantë shqiptarë

Mediat angleze shkruajnë se nëntë emigrantë janë shpëtuar nga një gomone në rrezik, e cila ishte nisur për në brigjet e Britanisë dhe u dërguan në Sovereign Harbour. Emigrantët , shtatë udhëtarë dhe dy persona të ekuipazhit , janë duke u hetuar në Portin Sovran të Eastbourne nga Kontrolli Kufitar, shkruan eastbourneherald.co.uk.Tetë burra dhe një grua ishin nisur mbrëmjen e së martës, por për shkak të problemeve me varkën nuk kanë arritur në destinacionin e tyre.
Alarmi u dha për herë të parë mbrëmë pasi u raportua se një gomone ishte  zhdukur pasi la zonën e Boulogne në Francë.  Roja bregdetare  gjeti nëntë persona -tetë burra dhe një grua – pranë brigjeve të Sussex, Britani.