Presidenti Ilir Meta është shprehur i gatshëm të bëhet pjesë e Këshillit Politik, nëse merr një ftesë zyrtare.
Gjatë fjalës së tij në konferencën për mediat, Meta iu drejtua Ramës se që të marrë pjesë në Këshill duhet një ftesë zyrtare dhe jo me një Twitter në rrjetet sociale.
“Nuk është çështje e presidentit të merret me çështjet e këshillit politik. Nuk ftohet presidenti në këshillin politik me gjëra të tilla kaq të shëmtuara si ky Tëitteri këtu (tregon ftesën e Edi Ramës në rrjetet sociale), presidenti nëse dikush ka dëshirë të dijë mendimin apo kërkon mendimin të fton zyrtarisht për të gjetur një dakordësi. Nëse të gjithë anëtarët e këshillit kanë dëshirë padyshim që presidenti është i gatshëm të shkojë dhe të japë mendimin e tij me interesin më të mirë të këtij procesi. Por këto lloj ftesa LB, IM dhe OP, edhe Haxhi Qamilit do i vinte turp” tha ai.
