Zbardhen detaje të tjera në lidhje me vrasjen makabre në Mallakastër, ku 3 të rinj lidhën dhe hodhën në liqen një grua 50-vjeçare.
Pas arrestimit të tyre, tre të rinjtë kanë pohuar në polici për krimin e tyre, ndërsa mësohet se nipi 16-vjeçar i bashkëshortit të viktimës ka nisur të qajë gjatë marrjes në pyetje.
Ai ka treguar për policinë se nuk kishin menduar ta vrisnin gruan, por çdo gjë u iku nga kontrolli pasi gruaja e kishte njohur dhe kishte nisë të bërtiste.
“Neve donim vetëm të merrnim paratë. Ajo më njohu dhe filloi të bërtiste, duke na trembur se mund ta na gjente Policia brenda. Nuk e kishim menduar ta vrisnim. Na doli jashtë kontrollit situata. Ju lutem, më falni se e kam frikë burgun”, mësohet të ketë thënë për hetimin 16-vjeçari L. Saliaj.
Krimin e kanë pranuar edhe shokët e tij, bashkëpunëtorë. Edhe ata kanë thënë se nipi i familjes i ka orientuar duke u thënë se në shtëpi nuk ka njerëz, por kur kanë ndeshur në rezistencën e gruas, kanë bërë edhe lidhjen e saj dhe më pas vrasjen dhe hedhjen në rezervuar.
Të arrestuarit janë: L. Saliaj, 16 vjeç, nip i burrit të viktimës, S. Shehaj, 16 vjeç dhe Ervis Zotaj, 26 vjeç, banues në Gjerbës,
