”Më erdhi keq”/ Idrizi: Ramës i dhashë lekë borxh kur u kthye nga Franca

Në çdo takim elektoral, kryeministri Edi Rama nuk ngurron të sulmojë kandidatët e opozitës, ndër to dhe kreun e PDIU-së Shpëtim Idrizi, e quan “Tym Idrizi”.

Ky u fundit, i ftuar në emisionin ‘Log’, tha se i vjen keq që Kryeministri i vendit përdor një fjalor të tillë në opinionin publik.

Idrizi zbuloi edhe faktin se i ka dhënë para borxh Edi Ramës, pasi sipas tij ky i fundit pas emigracionit kishte ardhur me 3 mijë euro në xhep.

Ndër të tjera, Idrizi u shpreh se kreun e qeverisë e ka ndihmuar edhe me sistemin e patronazhit.

Shpëtim Idrizi: “Nga pikëpamja e peshës është një lloj konfirmimi dhe me sulmin që bën, Rama e rikonfirmon, se ai merret me atë që i del përpara. Më vjen shumë keq, jo për Ramën se e njoh shumë mirë, por për kryeministrin e vendit tim që duhet të jetë i kujdesshëm për gjuhën, bëhet karagjoz, më kujton një personazh, me thënë të drejtën të më falë që do e përmend, ka qenë një Gëzim Kulufi. Të gjithë e njohim, është më i mirë se ky në fakt, i cili ngacmonte cdo njeri që shihte në rrugë. Ashtu sikur më kujton mikun tim Kim Mehmeti, që më thoshte “o Shpëtim nuk është faji i Ramës por i shqiptarëve, se Ramën po e çove në spital nuk e kthejnë më mbrapsht. 

Mbaj mend që i kam dhënë borxh zotit Rama për ta ndihmuar sepse më vinte keq, që ai pas shumë vitesh emigracion erdhi në Shqipëri vetëm me 3 mijë euro, të paktën këtë ka treguar Jemi duke ia kthyer njëri tjetrit këtë kohë dhe kemi kohë deri në datë në 25, e kemi kthim në natyrëE kam ndihmuar njëherë edhe me sistemin e patronazhit, kur kam punuar me të, por do ja them njëherë tjetër. Ai e di shumë mirë që votat e PDIU-së në Tiranë, Durrës, Fier, Vlorë dhe Elbasan prodhojnë mandate për opozitën, dhe ja heqin Edi Ramës’