Policia e Elbasanit ka liruar të gjithë të shoqëruarit për vrasjen e Pjerin Xhuvanit mesditën e të mërkurës në Elbasan, ndërsa në qëli po mbahet vetëm autori i dyshuar, Arbër Paplekaj.
Koresondenti i Panorama.al, bën me dije se gjatë kqyrjes së mjeteve të sekuestruara në vendin e ngjarjes, nuk janë gjetur as shuma parash, as karta idenditeti, siç pretendoi pas ngjarjes opozita.
Ndërkohë, burime të Panorama.al bëjnë me dije se mjeku Pjerin Xhuvani, mësohet se hyri në debat me antarët e sigurisë së drejtuesit politik të PD në Elbasan, Gazment Bardhi, për të shuar debatet që kishin nisur, por autori pa paramajmerim ka nisur të qëllojë duke e lënë të vdekur në vend.
Mësohet se plumbat kanë plagosur katër personat e tjerë, mes tyre dhe një punonjëse e policisë.
Ndërkohë, mësohet se plumbave i kanë shpëtuar katër punonjës të tjerë policie të skuadrës Shiponja, që kishin mbërritur në vendin e ngjarjes si dhe dy zv drejtorët e Policisë, Niko Palla dhe Albert Nushi.
Ndësa plumbart që kanë dalë nga arma e autorit, mësohet se kanë qëlluar edhe fasaden e një subjekti privat ne lagjen “5 Maji” ku per fat, punonjesa e dyqanit ka shpëtuar pa pasoja.
Korespondenti i Panorama.al bën me dije se nga armët e përdorura në këtë ngjarje, janë shkrepur 16 gëzhoja, ndërsa mjeku i ndjerë ka marrë tre plumba, dy në kokë e nje ne krahun e majte.
VIKTIMA
Pjerin Xhuvani, 56 vjeç, mjek psikiatër, eksponent i Partisë Socialiste
TE PLAGOSUR
1. Eltjon Bodinaku, 32 vjeç, dhëndri i viktimës, Pjerin Xhuvani
2. Emiljan Prenga, 39 vjeç, ish-oficer Policie në Tiranë
3. Pavlo Vuksani, 50 vjeç, ish-oficer Policie në Shkodër
4. Xhensila Sota, 27 vjeçe, efektive Policie e Njësisë “Shqiponja” në Elbasan /panorama/
