Një i dënuar i cili rezulton me dy emra, është kapur nga ana e policisë në Tiranë. 42-vjeçari rezulton i dënuar me 6 vite e 4 muaj burg nga Gjykata e Assizës në Itali, për veprën penale “Plagosje e rëndë me pasojë vdekjen”.
Shqiptari i shpallur në kërkim ndërkombëtar për “plagosje me pasojë vdekjen”, është arrestuar në Tiranë, me qëllim ekstradimi drejt Italisë. Në pranga ka rënë Igli Malçi, i cili njihej edhe me emrin Arban Malçi, banues në kryeqytet.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejt Italisë. Igli Malçi është arrestuar edhe në 2018 po për shkak se rezultonte i dënuar në Itali për të njëjtën vepër penale, por nuk dihen rrethanat se si ka vepruar gjykata për lirimin e tij.
