Këngëtarja Fjolla Morina u kap më 19 shtator në Pikën Kufitare të Morinës, me një armë zjarri pistoletë, një tjetër tip çakmaku dhe 23 fishekë. Pas vendimit të dhënë dje në mesditë nga gjykata, këngëtarja është e detyruar të qëndrojë në Kukës.
Mediat e Kosovës kanë ‘kryqëzuar’ këngëtaren, duke e cilësuar si banorja më e re Kukësit. Sipas tyre, Morina do të jetojë për pak kohë në një apartament me qira afër Gjykatës së Rrethit Gjyqësor Kukës.
Ajo gënjeu për shtatzëninë, teksa gjinekologu që kishte bashkëpunuar në mashtrim, u largua për në Kosovë. Këngëtarja u rikthye dje në orën 13:30 me kokën ulur në gjykatë për mashtrimin që kishte zbuluar rikontrolli nga mjeku.
Por ndërsa do duhej që ky mashtrim të ishte një akuzë e shtuar për Fjolla Morinën, gjykatësja Merita Karaj nuk e ka marrë parasysh duke vendosur masën “arrest shtëpie” për Morinën, dhe burg 30 ditor për biznesmenin Syla e shoferin Muji.
Përgjatë kësaj kohe, do të verifikohet nëse në armë ka shenja gishtërinjsh të Sylës dhe Mujit.
