Një video e kryebashkiakut të Tiranës në një emision televiziv, u bë virale. Ai shprehet se djemtë shqiptarë janë ‘zdromsa’, ndërsa moderatorja e kundërshton.
Por fjala ‘zdromsa’ i ka kushtuar shumë kryebashkiakut Veliaj, ndërsa ka marrë vemendjen e kundërshtarëve të tij politikë, por edhe të vetë kryeministrit Rama.
Kryetarja e Lëvizjes Socialiste për Integrim, Monika Kryemadhi, ka vënë në ‘dyshim’ gjininë e kryetarit të Bashkisë së Tiranës, Erion Veliaj. Teksa komentonte deklaratën e Veliajt, për djemtë e Tiranës të cilët i ka cilësuar ‘zdromsa’, Kryemadhi tha se vetë kryebashkiaku nuk është ‘as çun, as gocë’.
Pasi dëgjoi fjalët e një djali me emrin Geri që ishte i pranishëm në takimin e të rinjve të LSI-së në Fier, Kryemadhi shtoi se tashmë është e bindur që ka shpresë.
“Dëgjova Gerin dhe…Sot, numri i këtyre djemve dhe vajzave, të cilat kryetari i Bashkisë apo Rilindja i quan zdromsa, sepse kështu u thotë çunave shqiptarë. Ai më duket se nuk është fare as çun, as gocë. Janë çuna të cilët kanë bërë gjëra që janë të jashtëzakonshme për familjen dhe ndihem me thënë të drejtën, krenare, që më ke pranuar të jem mikja jote. Sepse ne politikanët në përgjithësi, nuk na duan shumë”, tha Kryemadhi ndër të tjera.
