Mandati i lënë nga Grida Duma i kalon Ori Nebijajt, pasi kjo e fundit në zgjedhjet parlamentare të 2021 siguroi 5606 vota preferenciale.
Ori Nebijaj ka folur në emisionin “Për’puthen”, të cilin e moderon, ku ka rrëfyer edhe emocionet për postin që e pret. Pas largimit të Grida Dumës nga detyra, mandati i deputetes i kalon moderatores së njohur.
Moderatorja u shpreh se i dridhen gjunjët për çdo votë për ata që e zgjodhën. “E vërteta është që më dridhen gjunjët për çdo votë për ata që zgjodhën që të më votojnë. E gjitha analiza dhe strumbullimi që kam, e kam vetëm për këtë gjë. Duket sikur të gjitha përmendjet që i janë bërë këtij emisioni në arenën e Kuvendit, sikur thërritën njëra-tjetrën me energji. Aq shumë sa e kanë përmend “Për’Puthen” në Parlament, më duket si trajnim tani…”, tha ajo.
