Azem Hajdari, djali i vogël i deputetit të ndjerë me të njëjtin emër, është shoqëruar në komisariatin e Policisë së Elbasanit mbrëmjen e sotme.
Sipas informacioneve paraprake nga policia, mësohet se 23-vjeçari ishte pasagjer në një mjet tip ”Audi”, në momentin kur është ndaluar për kontroll.
Forcat policore, kanë gjetur brenda automjetit 5 doza me lëndë narkotike, e dyshuar kanabis sativa. Drejtuesi i mjetit ishte bashkëmoshatari i tij, i identifikuar si A.H, ndërsa pasagjere ka qenë edhe 19-vjeçarja S.M.
Të tre të rinjë janë shoqëruar Komisariatin e Policisë Elbasan për veprime të mëtejshme procedurale.
Njoftimi i policisë
Shërbimet e Policisë në kuadër të kontrolleve për rritjen e parametrave të sigurisë, në aksin rrugor Elbasan-Metalurgji, kanë ndaluar për kontroll automjetin tip “Audi”, që drejtohej nga shtetasi H.Gj., 23 vjeç, banues në Tiranë.
Gjatë kontrollit të mjetit janë gjetur dhe sekuestruar në cilësin e provës materiale 5 doza lëndë narkotike e dyshuar cannabis sativa. Drejtuesi i mjetit së bashku me pasagjerët A.H., 23 vjeç, banues në Tiranë dhe S.M., 19 vjeçe , banuese në Lushnje, janë shoqëruar në Komisariatin e Policisë Elbasan për veprime të mëtejshme procedurale.
