Pas deklaratës së Ministres së Arsimis, Besa Shahini, për rastet e përdhunimit në shkollë, fjalën sërish e ka marrë deputeti Halit Valteri. Ai është tërhequr nga deklarata e tij dhënë më herët, se duhet të rikthehet dënimi me vdekje për pedofilët. Valteri ka apeluar që të ndryshohet Kodi Penal, dhe personat që abuzojnë me fëmijët të dënohen për jetë.
“Ne nuk na takon ti vejmë gishtin e të gjejmë përgjegjësit, por duhet të drejtojmë gishtin nga vetja. Para 6 muajsh kemi kaluar një ligj që çdo shkollë të ketë policin tek dera. Nuk duhet të kenë vetëm oficerin, duhet të ketë psikolog, staf që merret me fëmijët.
Një herë të vetme të bëhemi të gjithë bashkë. Dënimi me vdekje më doli nga shpirti, se ndoshta nuk bëhet. Hajde t’i dënojmë përjetë, e të mbrojmë fëmijët. Ideja është që ta parandalojmë këtë gjëmë. Të ndryshojmë Kodin Penal”, tha Valteri.
65-vjeçari Abaz Doku ka abuzuar seksualisht për 4 vite me radhë më të miturën, ndërsa të rinjtë ishin shokë me vëllain e 15-vjeçares.
Të dhënat tronditëse u bënë të ditura nga babai i vajzës, i cili shprehet se abuzimin prej 4 vitesh e ka mësuar rreth 6 muaj më parë, nga të njohurit e lagjes.
Babai shprehet se ka kërkuar ndihmën e drejtorit të shkollës, dhe të institucioneve, derisa është detyruar të kryejë denoncimin në polici.
