Mjeku i njohur Tritan Kalo, ka një thirrje të fortë për popullin shqiptar, që të mos u imponohet deklaratave politike. Tritan Kalo, edhe një herë tjetër apelon në shenjë këmbane alarmi se përkujdesja dhe izolimi po hidhen poshtë, pasi qytetarët po tregohen të papërgjegjshëm.
Ai thekson se infeksioni është dhe do të jetë i pranishëm ende për shumë kohë. Tritan Kalo kërkon nga qytetarët shqiptarë që të mos dëgjojnë “përrallëzat” se COVID-19 është pjellë e luftës politike globale, apo e betejës politike Rama-Basha.
Mjeku i njohur infeksionist, Tritan Kalo, kërkon vetëndërgjegjësim nga popullata, e ndërsa shprehet se nuk bëhet shaka me këtë virus.
Statusi
KOHË KOVIDIANE….. KEMI UDHË ende të gjatë për të bërë në sfidën tonë të imponuar prej Sars-Cov2/Covid-19, ndaj PËRKUJDESI kundrejt vetes dhe të tjerëve KURRË të mos nënvlerësohet…. Në fotot e mëposhtëme është përmbledhur ditë-puna e sotme, 20.06.2020…Nisja dhe kthimi në shtëpi me linjën e Unazës për Personelin Mjeksor…Vizita e mëngjesit në Shërbimin e Sëmundjeve Infektive, Covid-1, në QSUT “Nënën Tereza” me praninë e dy Luljetave të Turnit të parë në Pavjonin e parë Luljeta Ramaj dhe Lujeta Çakallozi, diskutimi i rasteve në dhomën e mjekëve si dhe pak momente pushimi me Prof. Dhimtër Krajën dhe Administratoren tonë të palodhur Silvana Saqellarin…LAJTMOTIVI ynë i përditshëm mbetet PUNA, PËRKUSHTIMI dhe PROFESIONALIZMI për të sëmurët me Sars-Cov2/Covid-19 dhe jo vetëm….Këto ditë PO tregojnë se mjaft shpejt NE mundet të humbasim gjithshka që fituam, me shumë dhimbje e sakrifica në ato javë kuarantine….SHKREHJA e përkujdesit është e pajustifikueshme për të gjithë NE “il poppolo Albanese”, POR kjo shkrehje është më e pajustifkueshme veçanërisht për personelin mjeksor…..Rreziku i infektimit për ta është shumë i lartë në mjediet e tyre të punës, POR ato/ata mundet të bëhen njëkohësisht edhe burim infeksioni gjatë ushtrimit të detyrës së tyre fisnike… INFEKSIONI është dhe do të jetë i pranishëm ende për shumë kohë, NDAJ mos dëgjoni “përrallëzat” se Sars-C-v2/Covid-19 është pjellë e luftës politike globale apo e betejës politike Rama-Basha….PËR PAK SENSIBILIZIM shihni me shumë kujdes disa imazhe skanerike të të sëmurëve, që të bindeni se NUKU bëhet shaka me këtë virus sëmundje-shkaktues si dhe jetë-marrës…..KURRË nuku është vonë për të nxënë nga ndonjë gabim i yni….E ritheksoj me shumë bindje se me MIRËBESIM, me MIRËKUPTIM, me DURIM dhe me PËRKUSHTIM, ne me siguri do ja dalim mbanë në sfidën tonë ndaj Sars-Cov2/Covid-19…. FUNDJAVË të paqtë miq e dashamirës kudo që JU frymoni në këto çaste, POR vetëm e vetëm higjenikisht shëndetshëm si dhe me distancim fizik….SHQIPËRIA e ka të domozdoshme secilin prej nesh!!!
