Një 80-vjeçare ka fituar betejën me COVID-19. Lajmi është përcjellë nga kryeministri Edi Rama, ku zonja nga Durrësi ia doli mbanë me virusin vdekjeprurës.
Kreu i qeverisë ka publikuar edhe një foto, ku shfaqet e moshuara bashkë me stafin mjekësor.
Në vendin tonë janë 212 persona të infektuar me Covid-19, dhe numri i viktimave ka shkuar në 10.
Ministria e Shëndetësisë njoftoi një ditë më parë se 40 nga të prekurit janë shëruar, por harta e infektimit është zgjeruar.
