Mediat franceze kanë dhënë detaje të tjera sa i ngjarjes së djeshme, ku 2 fëmijëve të vegjël me origjinë nga Kosova u mbytën në një përrua në Francë.
Sipas tyre, pasi nëna bashkë me dy fëmijët e saj kishin ngrënë në një ‘fast-food’, ata kishin shkuar për të luajtur pranë përroit Moingt, i cili ishte fryrë nga reshjet e lumit.
Sipas mediave franceze, i pari në ujë kishte përfunduar djaloshi 2-vjeçar. Motra e tij 5-vjeçe është munduar ta shpëtojë por rrjedha e ka marrë edhe atë. Më pas ka qenë nëna ajo që është hedhur për t’i shpëtuar ata, por edhe atë e ka marrë përpara rrjedha e fuqishme e ujit.
Lumi i mori ata për rreth 300 metra derisa më në fund nëna arriti t’i nxirrte fëmijët në breg, por ishte shumë vonë pasi ata kishin ndërruar jetë. Nëna nga ‘shoku’ i madh ka përfunduar në spital.
