Policia ka shoqëruar më shumë se 15 persona me precedentë kriminalë vetëm pak momente para fillimit të protestës. Tashmë është bërë rutinë që para protestave policia shoqëron elementë të caktuar, por kësaj here pjesë ishte dhe një nënshtetas amerikan, i shumëpërfolur për rolin e tij “organizues” në protestë.
Shtetasi amerikan i ndaluar është Jason Morrison. Ai ka ardhur në Shqipëri në 2 maj dhe është mbajtur në vëzhgim nga Policia, më pas është marrë në pyetje nga anti-terrori. Burime nga Policia bëjnë me dije se ka qenë një informacion i SHISH, i cili ka raportuar për shtetasin amerikan dhe disa persona të tjerë se do të ishin në pyetje.
Pas përfundimit të protestës këta persona janë lënë të lirë nga Policia mesa duket ndalimi i tyre është bërë vetëm për t’u marrë në pyetje.
