Ministria e Brendshme e Kosovës ka reaguar pas rrëmujës që shkaktoi në pikën kufitare Morinë, urdhri për bllokimin e kalimit për automjetet shqiptare.
Përmes një deklarate për mediat, Ministria e Brendshme sqaron se se është pezulluar kontrata për dezinfektimin e mauneve që vijnë në Republikën e Kosovës. Në njoftim theksohet se kjo procedurë ishte vendosur për shkak të situatës nga koronavirusi.
“Pezullohet kontrata për dezinfektimin e mauneve që vijnë në Republikën e Kosovës.
Dezinfektimi i kamionëve parashihej në kuadër të masave për luftimin e pandemisë së COVID-19. Nga ky moment importuesit nuk kanë nevojë t’i dezinfektojnë maunet në pikat kufitare”, thuhet në njoftim.
Kamionë të shumtë nga Shqipëria janë penguar sot nga pala kosovare, pasi duhet të bënin dezinfektimin, ndërsa ata që kalonin me makinë personale duhet të ishin të pajisur me një certifikatë, që tregon se janë testuar për koronavirus.
