Është mbyllur numërimi i votave preferenciale për kandidatët, në 249 qendrat e votimit në qarkun e Lezhës.
Nga zgjedhjet e 25 prillit, në këtë qark Partia Demokratike mori 4 mandate të shpërndara për Mark Markun, Agron Gjekmarkajn, Lindita Metaliaj dhe Kastriot Piroli.
Më i votuari në listën e PD është Kastriot Piroli me 9374 vota, i ndjekur nga Mark Marku me 5321vota dhe analisti Agron Gjekmarkaj ka marrë 4067 vota. Lindita Metaliaj ka marrë 2328 vota.
Ndërsa Partia Socialiste ka mundur të sigurojë 3 mandate, të shpërndara për Lindita Nikollën, Eduard Ndrecan dhe Shpresa Marnoj.
Votat më të shumta të socialsitëve i ka marrë Eduart Ndreca me 7250 vota. E dyta është Lindita Nikolla me 5145 vota dhe Shpresa Marnoj 3171 vota.
