Bashkëkryetari i Reformës Zgjedhore Damian Gjiknuri i ka përcjellë Kuvendit draftin final.
Negociatat politike janë mbyllur mbrëmë me disa ndryshime në amendamente.
Këto të fundit janë ndryshuar në lidhje me vendimmarrjen e KQZ-së dhe listën e deputetëve.
Ndryshimet në Kodin Zgjedhor vijnë pas arritjes së dakordësisë me opozitën.
Është përcaktuar mënyra sesi do të mundësohet vota e emigrantëve.
“Lista e zgjedhësve që votojnë nga jashtë vendit, përfshin vetëm zgjedhësit me vendbanim jashtë vendit, të cilët deklarojnë vullnetin për të ushtruar të drejtën e votimit, sipas rregullave të dala në zbatim të nenit 24 të këtij ligji”.
Ndërsa, kuota gjinore ka mbetur 1 në 3 me refuzim liste.
“Për çdo zonë zgjedhore, në zgjedhjet për Kuvendin, jo më pak se një në çdo tri emra të listës shumë-emërore duhet t’i përkasë gjinisë së nënpërfaqësuar, kurse në zgjedhjet për këshillat bashkiakë, një në çdo dy emra të njëpasnjëshëm në renditje duhet t’i përkasë së njëjtës gjini”.
