Drejtuesja e misionit të vëzhguesve në Shqipëri, Audrey Glover, i është përgjigjur gazetarëve në lidhje me atë se çfarë e shqetëson edhe më shumë opozitën, për mbushjen e kutive të votimit. Prej ditës së djeshme, nga ana e opozitës ka patur deklarata të shpeshta në media, sa i takon fenomenit të gjetjes së votave, më shumë sesa numri i votuesve.
Glover tha se po e dëgjonte për herë të parë këtë pretendim, dhe se ODIHR-i ishte duke marrë ende informacione nga vëzhguesit në terren.
Ka më shumë vota në kuti se sa votues në kuti?
“Në lidhje me numrin e votuesve që raportohen që është më i vogël se sa fletët në kuti, këtë po e dëgjoj tani. Po marrim informacione nga vëzhguesit tanë, dhe shpresoj që autoritetet të marrin masa nëse do të ketë mbushje fiktive të kutive”, përfundoi ajo.
