Ish-ministri i Drejtësisë, Ylli Manjani, ka reaguar pas deklaratës së Rudina Hajdarit kundrejt ministres së Drejtësisë, Etilda Gjonaj. Hajdari doli në mbrojtje të ministres, e cila akuzohet se ka bërë pushime në një hotel ku kushtonte 700 euro nata.
Me anë të një komenti në Twitter, ajo shkruan se nuk është normale të sulmohet një grua politikane mbi baza të rëndomta, që nuk kanë lidhje me profesionin e saj.
Statusi i Rudina Hajdarit
“Ndonëse Etilda Gjonaj është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale, nuk e kanë as tagrin të bëjnë moral, thjesht gjejnë alibi për të hedhur baltë”.
Por komenti i saj, nuk i ka pëlqyer Ylli Manjanit, i cili i kthehet me anë të një statusi në Facebook.
Statusi i Ylli Manjanit
Shum i shpifur ky justifikimi që “është një femër, një grua, një nënë”…
Dmth, një femër, nënë e grua duhet të bëjë çtë dojë me detyrën publike?!
Sa nëna e gra shqetëson sjellja e keqe e një gruaje në pushtet?! Apo punë e madhe, varja atyre.
Pastaj, po të jetë kështu, po burgu i grave përse është?!
Femra, nëna e gra janë edhe ato.
Ç’llogjikë!
