Bilanci nga koronavirusi ka shënuar një rritje këtë fillim jave në Mbretërinë e Bashkuar.
Mësohet se në 24 orët e fundit, kanë ndërruar jetë 717 persona, ndërsa janë shtuar 4,342 raste të reja.
Kështu shkon në 11,329 numri total i viktimave, teksa rreth 10 mijë prej tyre janë shënuar vetëm në qytetin e Londrës.
Sipas mediave britanike, bilancet e fundit po tregojnë se COVID-19 po godet edhe moshat e reja apo njerëzit që gëzojnë shëndet të plotë.
Kjo pasi në mesin e viktimave të shënuara së fundmi ishte edhe një 17-vjeçar. Ndërsa 40 prej viktimave të shënuara në 24 orët e fundi nuk kanë pasur asnjë sëmundje tjetër shoqëruese, raporton The Sun.
Deri më tani në Mbretërinë e Bashkuar janë regjistruar më shumë se 88 mijë raste infektimi, ndërsa vetëm 76,948 janë ende raste aktive.
Nga këto raportohet se 1,559 pacientë ndodhen në gjendje kritike për jetën.
