Numri i madh i vdekjeve që po regjistrohet ditët e fundit në Mbretërinë e Bashkuar, nuk duket se i ka ndaluar britanikët, të cilët vijojnë të frekuentojnë plazhin.
Forcat policore janë angazhuar duke u bërë thirrje qytetarëve me anë të artopolantëve, që të qëndrojnë në shtëpi. Por edhe ka këshilluar kur ka evidentuar qytetarë që “thyejnë rregullat”.
Në 24 orët e fundit u regjistruan 980 viktima në vend, numri më i madh ky i shënuar nga Mbretëria e Bashkuar brenda një dite të vetme.
886 persona ndërruan jetë në spital në Angli, ndërsa 114 të tjerë u konfirmuan sot në Skoci, Uells dhe Irlandën Veriore.
Deri më tani në Mbretërinë e Bashkuar janë shënuar 70,272 raste me COVID-19, ndërsa numri i viktimave ka shkuar në 8,958.
Mbretëria e Bashkuar renditet e pesta si vendi me numrin më të madh të vdekjeve nga koronavirusi, pas Italisë, SHBA-ve, Spanjës dhe Francës.
