Situata nga koronavirusi në Mbretërinë e Bashkuar vijon të jetë e rëndë.
Sipas zyrtarëve britanikë, në 24 orët e fundit janë shënuar 887 viktima, duke e çuar në 7,984 numrin total të viktimave.
Deri më tani në Mbretërinë e Bashkuar janë regjistruar më shumë se 60 mijë raste infektimi, ndërsa mbi 135 persona janë shëruar.
Qyteti i Londrës është zona më e prekur nga COVID-19 në Mbretërinë e Bashkuar, teksa numëron 1,907 viktima.
Skocia ka 222 viktima, Irlanda e Veriut 70 vdekje, Uellsi 212 vdekje.
Mbretëria e Bashkuar renditet e pesta me numrin më të madh të viktimave të shënuara nga koronavirusi, pas Italisë, Spanjës, SHBA-ve dhe Francës.
Mbi 1,5 milionë njerëz nga e gjithë bota janë prekur nga koronavirusi, ndërsa mbi 90 mijë persona kanë ndërruar jetë.
