Sot në orën 10:00 do të zhvillohet seanca plenare e radhës. Pritet që në këtë seancë të votohen dy anëtarët e rinj të Gjykatës Kushtetuese. Këshilli i Emërimeve në Drejtësi i dërgoi Kuvendit dy listat e renditjes së kandidatëve për dy vendet vakante, më 14 tetor 2019. Ndërkohë, sipas ligjit, Kuvendi duhet të shprehet brenda 30 ditëve për të zgjedhur anëtarët.
Kreut të Shtetit, Ilir Meta i skadoi të premten në datë 8 nëntor, afati për të zgjedhur anëtarin e dytë të Gjykatës Kushtetuese. Ndërsa i është ankuar kreut të Kuvendit, Avokatit të Popullit por dhe drejtuesit të Këshillit të Emërimeve në Drejtësi, Ardian Dvoranit, për ngërçin e krijuar për anëtarin e dytë të Gjykatës Kushtetuese.
