Në orët e para të ditës është mbajtur në Kryesinë e Kuvendit mbledhja e grupit të Partisë Socialiste. Pjesë e këtij takimi ishte dhe vetë kryeministri Edi Rama.
Gjatë mbledhjes në fjalë, kanë diskutuar kryesisht rreth inspektimeve të bëra në terren për krizën ekonomike dhe rritjen e çmimeve.
Po ashtu është diskutuar edhe për vendimet që merr Bordi, për të fiksuar çmimin e karburanteve.
Deputetët e PS-së u janë bashkuar ministrave në terren, për kontrollin e situatës së rritjes së çmimeve. Ata do të verifikojnë zbatimin e masave të marra nga qeveria, nëse në biznese ka rritje abuzive të çmimeve, si pasojë e luftës, si dhe për të parë nga afër nëse po zbatohen pikat e Paketës së Rezistencës së Sociale. Ky është vendimi i marrë pak ditë më parë në mbledhjen e Grupit Parlamentar të PS-së, në fokus të të cilit ishte zbatimi në terren i Paketës së Rezistencës Sociale.
