Pas tërmetit që goditi vendin mëngjesin e 26 nëntorit duke lënë 51 viktima dhe qindra të plagosur, shumë shtete dhe individë janë solidarizuar. Duke ndërmarrë nisma me qëllim për të ndihmuar popullin shqiptar.
Përmes një video-mesazhi publikuar në rrjetet sociale, ish-trajneri i Kombëtares Shqiptare, Gianni De Biasi bën thirrje që në aktivitetin e organizuar nga “Bici E Solidarieta’ Carovigno” pjesëmarrja të jetë e lartë, me qëllim për të dhënë kontributin e tyre. Këto donacione do të nisen më pas në Shqipëri, tek të prekurit nga tërmeti.
“Përshëndetje të gjithëve! Miqtë e mi të “Bici E Solidarieta’ Carovigno” organizojnë më 14 dhjetor, një takim bamirësie në favor të njerëzve të goditur nga tërmeti në Shqipëri. Ju ftoj të merrni pjesë sa më shumë, për të dhënë edhe ne kontributin tonë. Edhe një herë faleminderit dhe forca Shqipëri!”
https://www.facebook.com/biciesolidarieta.carovigno/videos/1018003931880121/?t=0
