Këshilli Bashkiak i Tiranës, ka vulosur në fshehtësi të plotë shembjen e Teatrit Kombëtar.
Mbledhja mësohet se është mbajtur sot, teksa ishte raportuar se do të mbahej të hënën e 18 majit.
Dokumenti mban firmën e kreut të Këshillit bashkiak, Toni Gogu. Kryetarja e LSI, Monika Kryemadhi, ka ndërhyrë papritur mbrëmjen e sotme në emisionin e Eni Vasilit, dhe ka hedhur akuza të forta ndaj këshilltarëve të Bashkisë së Tiranës, për vendimin e publikuar për shembejn e godinës së Teatrit Kombëtar.
Kryemadhi u shpreh se shkresa ka rrjedhur fshehurazi në media nga socialistë të ndershëm, pasi sipas saj, vendimi do publikohej të hënën.
“Shkresa që ka dalë në media, ka dalë nga brenda Bashkisë. Bashkia ka njoftuar për nesër mbledhjen. Por pasi është bërë deklarata që qytetarët dhe politikanët, kanë vendosur që ta bëjnë të hënën.
Mirëpo shkresa ka rrjedhur fshehurazi nga nga socialistët e ndërshëm brënda Këshillit Bashkiak të Tiranës.
Prokuroria t’i thërrasi dhe ti pyesi këshilltarët. Toni Goga të thotë të vërtetën, që e ka firmosur shkresën pa njoftuar këshilltarët”, u shpreh ajo.
