Sekretari i FSHF-së, Ilir Shulku dhe presidenti i Ligës Profesioniste, Edvin Libohova kanë zhvilluar sot një takim me përfaqësues të qeverisë dhe Komitetit Teknik, Mira Rakacolli dhe Eugena Tomini.
Palët kanë diskutuar në lidhje me mundësinë e rikthimit të futbollit, në bazë të protokollit të paraqitur nga federata vetëm pak ditë më parë.
https://www.youtube.com/watch?v=hDq7pDsdItM&feature=emb_title
FSHF pretendon se protokolli është shterues, pasi është ndërtuar në modelet e vendeve të tjera dhe në bashkëpunim me UEFA-n dhe stafin mjekësor të kombëtares.
Por autoritetet sanitare edhe pse në parim kanë rënë dakord me protokollin, vazhdojnë të kenë dyshime dhe paqartësi.
Ndërkohë, një akord duket se është arritur në lidhje me tamponët. Por pavarësisht optimizmit të FSHF, zyrtarisht data më e afërt e rinisjes së stërvitjeve individuale është 18 maji.
