PD do të mbajë sot rreth orës 12:30 një mbledhje të përbashkët mes Këshillit Kombëtar, dhe grupit të kandidatëve për deputetë. Pritet që të diskutohet rreth masave që do të merren për protestën kombëtare të 13 prillit, e cila do të mbahet në orën 18:00.
“Nesër, e hënë, datë 8 Prill 2019, ora 12:30, nën drejtimin e kryetarit Basha do të zhvillohet mbledhja e përbashkët e Keshillit Kombëtar dhe grupit të kandidatëve të PD për deputetë, për masat organizative për vijimin e aksionit politik dhe protestën e 13 prillit”, thuhet në njoftimin e PD-së.
Më 13 prill do të mbahet protesta e 3-të e madhe në vend, pas asaj të 16 shkurtit e 16 marsit.
