Përfaqësuesi politik i socialistëve, Damian Gjiknuri, ka zbardhur detaje pas mbledhjes së Këshillit Politik për Reformën Zgjedhore. Në të njëjtën kohë, ai ka komentuar edhe akuzat e Rudina Hajdarit, e cila foli për tenderat. E për këtë arsye ajo braktisi mbledhjen. Lidhur me këtë çështje, Gjiknuri tha se PD kërkon përfaqësues në tender. Po sipas tij, Kodi Zgjedhor nuk parashikon procedura për tenderin.
Partia Demokratike ka kërkuar gjatë takimit të sotëm të Këshillit Politik procedurë të përshpejtuar për tenderimin e teknologjisë në zgjedhje për identifikimin biometrik. Kjo ka revoltuar Rudina Hajdarin, e cila ka braktisur mbledhjen. Ajo hodhi akuza para mediave se “palët e kanë hallin të flasin për tendera dhe jo për Reformën Zgjedhore dhe ndryshime që shqiptarët duan”.
“Bën të mendosh që ajo që propozuan ekspertët që kanë qënë pjesë e disktutimeve, është që të krijojmë një trupë të qëndrueshme. Të krijojmë një trupë profesionale dhe me mandate më të gjata se çfarë janë sot.
Siç duket, PD kërkon vetëm një marrëveshje zgjedhore për të marrë disa garanci dhe mund të ishte më e ndershme për të mbajtur siç është KQZ-ja. Realisht ky ishte devijim i bisedës, sepse nuk e zhbëjnë dot Parlamentin. Duhet të ketë një reflektim nga ana e tyre. Ata kërkojnë mandate 4-vjeçare siç janë sot.
Të rrimë tek kjo që jemi dhe s’kemi pse të bëjmë debat. U kthye në një marrëveshje për të marrë pjesë në zgjedhje. A do të ketë shtyrje për draftin? Ta përfundojmë këtë njëherë. Akuzat e Hajdarit? Nuk e di çfarë tha zonja Hajdari. PD kërkon përfaqësues në tender.
Kodi Zgjedhor nuk parashikon procedura për tenderin. A e rrezikon KQZ marrëveshjen? PD kërkon që të kemi sërish këtë vendimmarrje, pra kërkon KQZ aktuale. Është më e ndershme kjo, tentuam të bëjmë një gjë të mirë.
Të rrimë me këtë skemë. Ka marrë fund marrëveshja? Forma e KQZ ishte parashikuar me mandatet siç e kishim parashikuar. Ta thonë publikisht se ne sinqerisht nuk kemi asnjë problem. Opozita parlamentare? PS është shprehur se do ta respektojmë marrëveshjen, do ta shikojmë se ne nuk i kemi votat. Ata janë faktorë politikë, do ta gjejmë një zgjidhje edhe me ta. Kjo marrëveshje u negociua edhe nga ndërkombëtarët. Nuk parashikoj dot”.
Dukeni shumë i qetë, mos kanë marrveshje. A jeni për heqjen e koalicioneve parazgjedhore? “I madhi shprehet i fundit. Edhe ne kemi opinionin tonë, por do të shprehemi të fundit”.
