Kryeministri Edi Rama ka zhvilluar sot një mbledhje në selinë e Partisë Socialiste me drejtuesit politikë të qarqeve. Mbledhja zgjati rreth dy orë dhe në fokus të saj ishte fushata elektorale dhe zgjedhjet e 25 prillit.
Drejtuesit politikë dorëzuan gjatë takimit analizën e tyre, sa i përket problematikave të qytetarëve dhe performancën e shërbimeve nga drejtuesit e institucioneve. Ndërsa, kryeministri Rama ka kërkuar rishikim të çdo drejtuesi të institucioneve publike që ka dështuar në punën e tij.
“Largimi apo qëndrimi i drejtorëve në detyrë do të jetë në bazë të performancës. Kod i kuq për ata që nuk u përgjigjen qytetarëve”, raportohet të ketë thënë kreu i qeverisë.
