Ministrja e Shëndetësisë dhe Mbrojtjes Sociale, Ogerta Manastirliu u shpreh se mjekët e familjes do të zhvillojnë konsulta online me pacientët e sëmurë me COVID-19, por që ndodhen në shtëpi me simptoma të lehta.
Manastirliu ka shpërndarë një video në Facebook nga qendra shëndetësore nr.5. Nga atje ministrja tha se mjekët e familjes kanë kryer mbi 40 mijë konsulta online me të sëmurët kronikë për barnat e rimbursueshme, etj.
Ministrja theksoi se janë 1600 mjekë që do të ndjekin online ecurinë e të sëmurëve me koronavirus.
Postimi i plotë:
MINISTRJA E SHËNDETESISE OGERTA MANASTIRLIU NGA QËNDRA SHENDETËSORE NR 5, TIRANË – 40 MIJË KONSULTA ONLINE TË MJEKËVE TË FAMILJES ME TË SEMURËT KRONIKË PËR BARNAT E RIMBURSUESHME DHE KËSHILLIME JANË BËRË GJATË DY JAVËVE TË FUNDIT NË TË GJITHË VENDIN
MJEKËT E FAMILJES DO TË NDJEKIN PACIENTET ME COVID QË NDODHEN NË KUSHTE SHTËPIE
