Numri i viktimave nga koronavirusi në Spanjë ka shënuar një rritje të lehtë, në krahasim me një ditë më parë.
Gjatë 24 orëve të fundit kanë humbur jetën 184 persona, 8 më shumë sesa u regjistruan ditën e djeshme. Kështu numri total i personave që kanë humbur jetën nga koronavirusi në Spanjë ka shkuar në 27,104.
Në spital në 24 orët e fundit janë shtruar 412 persona dhe deri tani numri i të hospitalizuarve ka shkuar në 123.896. Ndërsa në njësinë e kujdesit intensiv janë pranuar 65 persona, duke e çuar numrin në 11.436.
Gjithashtu numri i bluzave të bardha që kanë kontraktuar virusin që nga fillimi i pandemisë llogaritet 49,113.
Me mbi 270 mijë raste, Spanja renditet e dyta në botë pas SHBA-ve për numrin më të madh të rasteve të konfirmuara.
COVID-19 ka prekur më shumë se 4,3 milionë njerëz nga e gjithë bota, ndërsa i ka marrë jetën mbi 293 mijë personave.
