Tërmeti 6.4 ballë që tronditi vendin ditën e sotme është ndier deri në Serbi.
Këtë e bën të ditur zv.drejtori i Institutit Sizmologjik të Serbisë, Branko Dragicevic. Në një prononcim për ‘Tanjug’, Dragicevic tha se tërmeti u ndje më shumë në provincën jugore serbe.
“Tërmeti u ndje në të gjithë Serbinë, veçanërisht në provincën jugore serbe, deri në Beograd. Ai u ndje edhe nga qytetarë të Malit të Zi, Itali, Maqedonisë Veriore, Greqi, Bullgari … Vlerësohet se mbi 10 milion njerëz ndjejnë këtë dridhje të tokës”, tha Dragiceviç.
Sipas tij, pritet të ketë edhe më shumë aktivitet sizmik pas këtij tërmeti të fuqishëm. Ai shton se pas tij të sotëm, qindra më të vegjël mund të priten.
“Në Shqipëri dhe rajon, aktiviteti sizmik do të zgjasë me muaj pas tërmetit këtë mëngjes, dhe qindra e qindra ngjarje të mëvonshme sizmike do të ndodhin pas tërmetit kryesor”, deklaroi ai.
Kujtojmë se numri i viktimave deri më tani ka shkuar në 20 persona, ndërsa vijojnë akoma gërmimet në rrënoja.
