Italia ka regjistruar mbi 1 milion të infektuar me Covid që prej fillimit të pandemisë.
Në 24 orët e fundit, është konfirmuar një numër rekord viktimash, shifër që nuk shënohej prej datës 6 prill 2020.
Sipas të dhënave zyrtare të publikuara nga Instituti i Shëndetit Publik Italian, sot në vendin fqinj u regjistruan 623 viktima dhe 32 961 të infektuar nga Covid 19.
Në rritje fatmirësisht është dhe numri i personave të shëruar nga virusi, teska 9090 pacientë të tjerë e fituan betejën me sëmundjen.
Në 24 orët e fundit në Itali, janë kryer 225 649 tampone dhe koeficienti i infektimit është në vlerën mbi 26% në krahasim me testimet e kryera.
Numri i viktimave nga Covid-19 deri më sot ka arritur në 42.953, i të infekturave në1.028.424 dhe i të shëruarve në 372.113.
