Mbesa e ish-terroristit, Osama Bin Laden, ka paralajmëruar se nëse zgjedhjet në SHBA do të fitohen nga Joe Biden, amerikanët mund të përjetojnë një “11 Shtator” të dytë.
Në një intervistë për “New York Post”, Noor bin Ladin, 33 vjeç, tha se kur xhaxhai i saj organizoi sulmet e 11 shtatorit 2001, ajo ishte katërmbëdhjetë vjeç dhe imazhet e avionëve që përplaseshin në Kullat Binjake e kishin “shkatërruar” atë.
Vetëm pas asaj tragjedie, 33-vjeçarja ka kuptuar që Amerika nuk është aspak një vend racist. Në udhëtimet e saj atje pas masakrave xhihadiste, ajo kishte parë mirësi dhe mirëkuptim nga qytetarët amerikanë, pavarësisht se ishte mbesa e trurit të sulmeve islamike.
Ajo theksoi se është një mbështetëse e vendosur Donald Trump, duke theksuar se “ISIS u përhap gjatë administratës së Obamës/ Biden kurse Trump ka treguar se do ta mbrojë Amerikën”.
Sipas saj, Trump duhet të rizgjidhet president, pasi prej kësaj varet e ardhmja e civilizimit perëndimor.
