Mbërrin nga Italia letërporosia për Valdrin Pjetrin, i dorëhequr tre muaj më parë, pas akuzave të Partisë Demokratike ndaj tij, si i proceduar për trafik droge në shtetin fqinj.
Mësohet se në këtë letërporosi konfirmohet denoncimi i PD-së në adresë të Pjetrit, për të cilin thuhet se ka pasur një procedim në Itali dhe ka qenë gjykata e Firences ajo që ka dhënë një vendim fajësie, duke bërë largimin e tij nga Italia në bazë të marrëveshjes.
Ndërkohë pritet që Pjetri të merret i pandehur për falsifikim dokumentesh, pasi nuk ka deklaruar dënimin e tij në Itali, në formularin e dekriminalizimit.
Kjo letërporosi vjen pasi sektori i dekriminalizimit në Prokurorinë e Përgjithshme i kërkoi Interpol dhe Europolit, informacion lidhur me precedentët penalë të Pjetrit gjatë viteve 2001-2003.
