Në prag të ndeshjes Shqipëri-Francë, paraditen e sotme ka mbërritur ekipi kombëtar i Francës në kryeqytet. Ata do të akomodohen në një nga hotelet e kryeqytetit deri në fillim të ndeshjes nesër mbrëma.
“Gjelat” kanë mbërritur në aeroportin “Nënë Tereza” me anë të një çarteri dhe në nderim të tyre është organizuar dhe një ceremoni e shkurtër, ku ka qenë i pranishëm edhe ambasadori francez në Shqipëri.
Ajo që ka rënë në sy ka qenë prezenca e madhe e forcave të policisë. Autobusi i kombëtares franceze është shoqëruar nga forca të shumta të repartit Renea. Madje, gjatë rrugës ka pasur postblloqe për të siguruar liri lëvizje për autobusin në autostradë.
Trajneri francez Dider Deshamp ka lajmëruar edhe një konferencë për shtyp sot në orën 17:00, në ambientet e stadiumit “Air Albania Stadium”.
