Pak çaste më parë ka mbërritur avioni i parë me shqiptarë që janë riatdhesuar nga Turqia. Bëhet me dije se janë 47 persona. Këta shtetas kanë pranuar që të akomodohen në hotelet e përcaktuara nga ana e qeverisë, në qytetin e Durrësit.
Secili prej të ardhurve nga jashtë do të ketë dhomën e tij në hotel, ku do të kontrollohen herë pas here. Ata do të qëndrojnë për 14 ditë.
Në Rinas nuk ka pasur asnjë familjar të personave që janë kthyer, dhe transporti i tyre drejt hoteleve do të kryhet me tre autobusa.
Pasdite pritet që të kthehet po ashtu dhe një avion me shqiptarë që kanë mbetur në Itali, nisja e të cilit do të bëhet nga Roma.
