Drejtoresha e QSHA-së, Rezana Vrapi, ka reaguar lidhur me protestën e mbajtur sot nga maturantët, lidhur me tezën e provimit të Gjuhës dhe Letërsisë.
Në një deklarate për mediat, Vrapi sqaroi se pyetjet e provimit të letërsisë, ndërsa theksoi se nuk do të ketë rivlerësim të testit.
Megjithatë ajo shtoi se mund të ketë një rritje të fashës së pikëve.
“Asnjë pyetje nuk është jashtë programit. Kemi verifikuar cilësinë e testit. Nuk ka pretendime konkrete. Ka një metodologji të caktuar dhe janë teste që ndërtohen nga mësues me shumë përvojë. Ata janë përgjegjës. Niveli i vështirësisë është në bazë të metodologjisë. Testi kalon në dy duar, hartues dhe verifikues.
Sa i takon pyetjeve me alternativa, e kemi sqaruar se u zgjodh kjo metodë për të shpejtuar korrigjimin dhe për të mbrojtur korrigjuesit e tyre. Jam dakord që s’është mënyra më e mirë, por ishte zgjidhja më e përshtatshme për situatën. Nuk ka rivlerësim. Mund të rrisim fashën e pikëve”, tha ajo.
