Materialet zgjedhore kanë mbërritur sërish në Shkodër, ndërsa mësohet se do të vendosen në shkollën industriale ‘Arben Broci’.
Ndërkohë, ish-deputeti i Partisë Demokratike, Bardh Spahia iu bën thirrje qytetarëve të bashkohen sot në orën 20:00 para KZAZ-se nr.2.
Përmes një postimi në “Facebook”, ish-deputeti, i cili ndodhet në arrest shtëpi, nënvizon se pjesëmarrja në protestë është mision për të sotmen dhe të ardhmen e femijëve tanë.
“Te dashur miq, sot pasdite ne oren 20.00 para KZAZ-se nr.2 tek Pallati i Sportit ne Shkoder bashke me Aleancen Qytetare dhe mbrojtesit e demokracise. Pjesemarrja ne nje proteste ne mbrojtje te standarteve te demokracise e kunder rregjimit qe po i imponohet shqiptareve eshte detyrim dhe mision per te sotmen e te ardhmen e femijeve tane, per Shqiperine si Europa qe nuk do e lejojme te kthehet pas! Demokracia nuk negociohet, por vec mbrohet me pergjegjesi e vendosmeri”, shkruan Spahia.
