Një burrë nga Indonezia u maskua si gruaja e tij për të fluturuar me avion, pasi ishte i infektuar me Covid dhe nuk do e lejonin që të kryente udhëtimin. Personi në fjalë i cili është indetifikuar vetëm nga inicialet e tij DW, kishte veshur një vello në fytyrë, të njohur si nikab. Ai gjithashtu mbante pasaportën e gruas së tij dhe rezultatin e saj negativ të testit Covid-19. Burri me gjasë mund të mos ishte kapur asnjëherë, nëse nuk do të kishte ndryshuar rrobat në mes të fluturimit, duke bërë që një stjuardesë të ngrinte alarmin.
Shumica e linjave ajrore kanë kufizuar udhëtimet gjatë festës së Eidh al-Adha, e cila filloi më 19 korrik. Policia u tha gazetarëve se burri u ndalua pasi aeroplani u ul dhe u testua menjëherë. Me të zbuluar se ishte pozitiv për virusin, ai u urdhërua të vet-izolohej në shtëpi. Policia ka thënë më tej se ata do ta ndjekin penalisht, sapo të përfundojë karantina e tij.
Incidenti vjen mes kufizimeve të rrepta për udhëtimet në Indonezi. Në javët e fundit, spitalet janë mbingarkuar nga një fluks pacientësh, dhe një mungesë burimesh përfshirë oksigjenin. Një shtrirje e ngadaltë e vaksinimit dhe fillimi i variantit shumë infektues Delta, janë përmendur si arsye për përhapjen e vazhdueshme të virusit.
Burimi i lajmit: BBC. Përshtati Tirana Today
