E gjithë bota është në alarm nga koronavirusi. Primarja si në luftimin e çdo virusi tjetër sigurisht që është higjena, sidomos në pjesën e duarve. Gjithashtu praktikat e higjienës ushqimore, si dhe kur është e mundur shmangia e kontakteve të ngushta me çdo person që shfaq simptoma të sëmundjeve respiratore, si kollë apo teshtima. Një tjetër pjesë me rëndësi është edhe mbajtja e një maske. Sa na mbron?
Veshja e një maske për fytyrën nuk është një garanci që nuk do të sëmureni. Viruset mund të transmetohen përmes syve dhe grimcave të vogla virale, të njohura si aerosole, mund të depërtojnë në maska.
Por maskat janë efektive në kapjen e pikave, e cila është një rrugë kryesore e transmetimit të koronavirusit. Si rezultat, nëse ka të ngjarë të jeni në kontakt të ngushtë me dikë të infektuar, një maskë zvogëlon mundësinë që sëmundja të kalojë tek ju. Po kështu, nëse shfaqni simptoma të koronavirusit, ose jeni diagnostikuar, veshja e një maske mund të mbrojë edhe të tjerët.
