Një i ri i shpallur në kërkim për veprën penale “Mashtrim me kredi”, është ndaluar nga ana e policisë.
Nga shërbimet e Komisariatit të Policisë Lushnje, u bë e mundur kapja e shtetasit me inicialet A.K, 22 vjeç, banues në Kolonjë, Lushnje.
Kapja e 22 vjeçarit u bë pasi Gjykata e Rrethit Gjyqësor Tiranë, ka vendosur masën e sigurisë “Arrest me burg” për veprën penale “Mashtrim me kredi”.
Ky shtetas iu dorëzua shërbimeve të DVP Tiranë, për veprime të mëtejshme procedurale.
