Policia e Shtetit, në bashkëpunim me Hetimin Tatimor zhvilloi mbrëmjen e së mërkurës një operacion për personat që dyshoheshin se mashtronin me skemën e TVSH-së. Në pranga kanë rënë 15 persona, disa prej tyre biznesmenë, të cilët mësohet se kanë mashtruar me TVSH-në, duke i shkaktuar shtetit një dëm prej 4 milion eurosh.
Një emër që spikat në listën e të arrestuarve është ai i Shpresa Joanidhit, kandidate e PD-së për deputete në qarkun e Gjirokastrës.
Ajo ka qenë pjesë e listës shumëemërore të Partisë Demokratike për zgjedhje të vitit 2009 në këtë qark.
Shpresa Joanidhi akuzohet se me anë të bizneseve të saj, ka qenë pjesë e mashtrimit me TVSH-në.
Operacioni vjen në kuadër të aksionit anti-informalitet, dhe po vijon prej disa muajsh. Në këtë skemë mashtrimi janë përfshirë rreth 30 kompani, pjesa më e madhe prej tyre, fantazmë.
