Në hyrje të SPAK dhe Gjykatës së Posaçme është instaluar tunel dezinfektimi nga ku do të kalojnë të gjithë personat që do të hyjnë në ambientet e këtyre institucioneve.
Kujtojmë se më herët kjo procedurë është aplikuar dhe në Policinë e Tiranës apo Prokurorinë e Tiranës me qëllim parandalimin e përhapjes së COVID-19.
Çdo prokuror, oficer apo dhe punonjësit që dorëzojnë postën, dezinfektohen nga 3 deri në 5 sekonda, shkruan “balkanweb”.
Shqipëria, ashtu si shumë shtete të tjera ka nisur planin e rihapjes.
Pas dy muajsh mbyllje, sot në vendin tonë janë hapur parukeritë, dentistët dhe qendrat tregtare.
